———————–—————————————————–

ਉੱਘੇ ਸਮਾਜ ਸੇਵੀ ਤੇ ਲੇਖਕ ਮਾਸਟਰ ਕਿਰਪਾਲ ਸਿੰਘ ਸਰਾਂ ਤਤਾਰੀਏ ਵਾਲਾ ਨਹੀਂ ਰਹੇ

ਉੱਘੇ ਲੇਖਕ ਤੇ ਕਾਲਮ ਨਵੀਸ ਸਨ ਮਾਸਟਰ ਜੀ

ਟਰਾਂਟੋ (ਕੈਨੇਡਾ) / 12 ਅਪ੍ਰੈਲ 2024/ ਮਨਜੀਤ ਸਿੰਘ ਸਰਾਂ

             ‘ਪੰਜ ਪਾਣੀ’ ਯੂ ਟਿਊਬ ਚੈਨਲ ਦੇ ਮਾਲਕ ਤੇ ਮੇਰੇ ਛੋਟੇ ਵੀਰ ਸੁਖਵੀਰ ਸਿੰਘ ਸਰਾਂ ਦੇ ਪਿਤਾ ਮਾਸਟਰ ਕਿਰਪਾਲ ਸਿੰਘ ਸਰਾਂ 11 ਅਪ੍ਰੈਲ 2024 ਨੂੰ ਇਸ ਸੰਸਾਰ ਤੋਂ ਆਪਣੀ ਯਾਤਰਾ ਪੂਰੀ ਕਰਕੇ ਵਾਹਿਗੁਰੂ ਦੇ ਚਰਨਾਂ ‘ਚ ਬਿਰਾਜੇ ਹਨ। ਮਾਸਟਰ ਕਿਰਪਾਲ ਸਿੰਘ ਸਰਾਂ ਮੋਗਾ ਜਿਲੇ ਦੇ ਛੋਟੇ ਜਿਹੇ ਪਿੰਡ ਤਤਾਰੀਏ ਵਾਲ਼ਾ ਦੇ ਕਿਸਾਨ ਪ੍ਰੀਵਾਰ ‘ਚ ਜਨਮੇ ਤੇ ਉਨਾਂ ਨੇ ਆਪਣੀ ਜ਼ਿੰਦਗੀ ਦਾ ਇੱਕ ਵੱਡਾ ਹਿੱਸਾ ਸਰਕਾਰੀ ਸਕੂਲ ‘ਚ ਇੱਕ ਅਧਿਆਪਕ ਵਜੋਂ ਬਿਤਾਇਆ। ਮੈਨੂੰ ਵੀ ਕੁੱਝ ਸਮਾਂ ਉਨਾਂ ਕੋਲ ਪੜ੍ਹਣ ਦਾ ਮੌਕਾ ਮਿਲਿਆ। ਮਾਸਟਰ ਜੀ ਨੌਕਰੀ ਦੇ ਨਾਲ ਨਾਲ ਖੇਤੀਬਾੜੀ ਕਰਕੇ ਦਸਾਂ ਨੁੰਹਾਂ ਦੀ ਕਮਾਈ ਚੋਂ ਹਿੱਸਾ ਕੱਢ ਕੇ ਲੋਕਾਂ ਨੂੰ ਮੁਫਤ ਦੁਆਈਂ ਦਿੰਦੇ ਸਨ ਤੇ ਉਨਾ ਦੇ ਘਰ ਦੂਰੋਂ ਦੂਰੋਂ ਦੁਆਈਂ ਲੈਣ ਵਾਲੇ ਲੋਕਾਂ ਦਾ ਹਮੇਸ਼ਾਂ ਤਾਂਤਾ ਲੱਗਿਆ ਰਹਿੰਦਾ ਸੀ। ਉਹ ਜਿੱਥੇ ,ਇੱਕ ਅਧਿਆਪਕ, ਕਿਸਾਨ, ਦਰਵੇਸ਼ ਪੁਰਸ਼ ਤੇ ਸਮਾਜ ਸੇਵੀ ਸਨ, ਉੱਥੇ ਉੱਘੇ ਲੇਖਕ,ਕਾਲਮ ਨਵੀਸ ਤੇ ਇਤਿਹਾਸਕਾਰ ਵੀ ਸਨ। ਉਨਾਂ ਨੇ ਕਿੱਸਾ ‘ਹੀਰ’ ਲਿਖਿਆ ਸੀ ਜੋ ਕਿ ਕਿਸੇ ਪਬਲਿਸ਼ਰ ਕੋਲ ਛਪਾਈ ਅਧੀਨ ਹੈ। ਪਿੱਛਲੇ ਸਾਲ ਦਸੰਬਰ ‘ਚ ਮੈਂ ਪੰਜਾਬ ਗਿਆ ਸੀ ਤਾਂ ਉਨਾਂ ਨੂੰ ਮਿਲਿਆ ਤੇ ਮੈਨੂੰ ਲੰਮਾਂ ਸਮਾਂ ਇਤਿਹਾਸ ਦੀਆਂ ਗੱਲਾਂ ਸੁਣਨ ਦਾ ਮੌਕਾ ਮਿਲਿਆ। ਉਨਾਂ ਨੇ ਆਪਣੀ ਲਿਖਤ ‘ਹੀਰ’ ਚੋ ਕੁੱਝ ਹਿੱਸਾ ਮੈਨੂੰ ਗਾ ਕੇ ਸੁਣਾਇਆ ਪਰ ਅਫ਼ਸੋਸ ਕਿ ਦੁਬਾਰਾ ਮਿਲਣ ਤੋਂ ਪਹਿਲਾਂ ਉਹ ਇਸ ਜਹਾਨੋ ਚੱਲੇ ਗਏ।

          ਅਜਿਹੇ ਕਿਸੇ ਸਮਾਜ ਸੇਵੀ ਤੇ ਬੁੱਧੀ ਜੀਵੀ ਇਨਸਾਨ ਦੇ ਇਸ ਜਹਾਨੋ ਚਲੇ ਜਾਣ ਦੀ ਘਾਟ ਹਮੇਸ਼ਾਂ ਮਹਿਸੂਸ ਹੁੰਦੀ ਰਹਿੰਦੀ ਹੈ। ਮਾਸਟਰ ਪਾਲ ਸਿੰਘ ਸਰਾਂ ਹੋਰਾਂ ਦੀ ਅੰਤਿਮ ਅਰਦਾਸ ਉਨਾਂ ਦੇ ਗ੍ਰਹਿ ਪਿੰਡ ਤਤਾਰੀਏ ਵਾਲਾ ਜਿਲਾ ਮੋਗਾ ਵਿਖੇ 20 ਅਪ੍ਰੈਲ ਨੂੰ ਕੀਤੀ ਜਾਵੇਗੀ। ਇਸ ਮਹਾਨ ਰੂਹ ਨੂੰ ਸਾਡੇ ਵੱਲੋ ਇਹ ਚੰਦ ਲ਼ਫਜ ਹੀ ਇੱਕ ਸੱਚੀ ਸ਼ਰਧਾਂਜਲੀ ਹੈ।

———————–—————————————————–

ਪੰਜਾਬ ਦੇ 23 ਜਿਲਿਆਂ ਦੇ ਸਕੂਲਾਂ ਦੇ ਸੈਕੜੇ ਬਾਲ ਲੇਖਕਾਂ ਦੀਆਂ 9 ਹਜ਼ਾਰ ਰਚਨਾਵਾਂ ਬਨਣਗੀਆਂ ਕਿਤਾਬਾਂ ਦਾ ਸਿੰਗਾਰ

ਪੰਜਾਬ ਭਵਨ ਦਾ ਇਹ ਉਪਰਾਲਾ ਬੱਚਿਆਂ ਦੀ ਸਾਹਿਤਕ ਪ੍ਰਭਿਤਾ ਨੂੰ ਕਰੇਗਾ ਲੋਕਾਂ ਦੇ ਰੂਬਰੂ- ਸੁੱਖੀ ਬਾਠ

ਸਰੀ (ਕੈਨੇਡਾ) / 21 ਜਨਵਰੀ 2024/ ਰਾਜਵਿੰਦਰ ਰੌਂਤਾ

              ਪੰਜਾਬ ਵਿਚ ਜਦੋਂ ਨਵੀਂ ਪਨੀਰੀ ਦੇ ਸਹਿਤਕ ਖੇਤਰ ਦੀਆਂ ਰੁਚੀਆਂ ਜਾਂ ਕਿਤਾਬਾਂ ਨਾਲੋਂ ਟੁੱਟ ਕੇ ਸਿਰਫ਼ ਕੰਪਿਊਟਰ ਦੇ ਕੀਬੋਰਡ ਨਾਲ ਹੀ ਜੁੜ ਕੇ ਰਹਿ ਜਾਣ ਦੀਆਂ ਗੱਲ ਹੋ ਰਹੀਆਂ ਹੋਣ, ਉਸ ਸਮੇਂ ਰਾਜ ਦੇ ਸਕੂਲਾਂ ‘ਚੋਂ ਕਹਾਣੀਆਂ ਜਾਂ ਕਵਿਤਾਵਾਂ ਲਿਖਣ ਦਾ ਸ਼ੌਂਕ ਰੱਖਣ ਵਾਲੇ ਬੱਚਿਆਂ ਨੂੰ ਲੱਭ ਕੇ ਉਨ੍ਹਾਂ ਦੀਆਂ ਲਿਖਤਾਂ ਨੂੰ ਕਿਤਾਬਾਂ ‘ਚ ਪਰੋਇਆ ਜਾਵੇ ਤਾਂ ਕਿ ਉਹ ਉਤਸਾਹਿਤ ਹੋ ਸਕਣ ਤੇ ਛਪਣ ਵਾਲੀਆਂ ਲਿਖਤਾਂ ਦੀ ਗਿਣਤੀ ਸੈਕੜੇ ਨਹੀਂ ਹਜ਼ਾਰਾਂ ‘ਚ ਹੋਵੇਗੀ। ਸ਼ਾਇਦ ਇਹ ਸੁਣਕੇ ਪਹਿਲੀ ਵਾਰ ਯਕੀਨ ਨਹੀਂ ਆਵੇਗਾ, ਪਰ ਇਹ ਸੱਚ ਹੈ ਤੇ ਬਾਲੜਿਆਂ ਦਾ ਇਹ ਸੁਪਨਾ ਪੰਜਾਬ ਭਵਨ ਸਰੀ ਕੈਨੇਡਾ ਵਲੋਂ ਪੂਰਾ ਕੀਤਾ ਜਾਣ ਵੱਲ ਵੱਡਾ ਕਦਮ ਚੁੱਕਿਆ ਗਿਆ। ਇਹ ਵੀ ਗੱਲ ਹੈਰਾਨ ਕਰ ਦੇਵੇਗੀ ਕਿ ਇਹ ਵੱਡਾ ਤੇ ਅਹਿਮ ਕਦਮ ਵਿਦੇਸ਼ ‘ਚ ਬੈਠਾ ਇਕ ਪ੍ਰਵਾਸੀ ਪੰਜਾਬੀ ਪੂਰਾ ਕਰਨ ਵੱਲ ਤੁਰਿਆ, ਜਿਥੇ ਬਾਰੇ ਆਮ ਪੰਜਾਬੀਆਂ ਦੇ ਮਨ ‘ਚ ਇਹ ਤੌਖਲਾ ਹੈ ਕਿ ਵਿਦੇਸ਼ਾਂ ‘ਚ ਵਸੇ ਪੰਜਾਬੀ ਆਪਣੀ ਮਾਂ ਬੋਲੀ ਜਾਂ ਪੰਜਾਬੀ ਸਾਹਿਤ ਨਾਲੋਂ ਟੁੱਟ ਚੁੱਕੇ ਹਨ। ਇਹ ਜਾਣਕਾਰੀ ਸਾਂਝੀ ਕਰਦਿਆਂ ਪੰਜਾਬ ਭਵਨ ਸਰੀ ਦੇ ਮੁੱਖ ਪ੍ਰਬੰਧਕ ਤੇ ਕੈਨੇਡਾ ਦੇ ਉਘੇ ਬਿਜ਼ਨਸਮੈਨ ਸੁੱਖੀ ਬਾਠ ਨੇ ਦੱਸਿਆ ਕਿ ਪੰਜਾਬ ਭਵਨ ਕੈਨੇਡਾ ਤੋਂ ਵਿਦੇਸ਼ਾਂ ‘ਚ ਵਸੇ ਪੰਜਾਬੀਆਂ ਨੂੰ ਆਪਣੀ ਮਾਂ ਬੋਲੀ, ਵਿਰਸੇ ਤੇ ਵਿਰਾਸਤ ਨਾਲ ਜੋੜੀ ਰੱਖਣ ਲਈ ਉਪਰਾਲਿਆਂ ਦੇ ਨਾਲ ਨਾਲ ਪੰਜਾਬ ‘ਚ ਵੀ ਨਵੀਂ ਪਨੀਰੀ ਨੂੰ ਮਾਂ ਬੋਲੀ ਤੇ ਸਾਹਿਤ ਪੜ੍ਹਨ ਤੇ ਰਚਣ ਵੱਲ ਉਤਸਾਹਿਤ ਕਰਨ ਲਈ ਸਮੇਂ -ਸਮੇਂ ਅਜਿਹੇ ਯਤਨ ਕੀਤੇ ਜਾਂਦੇ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਬੱਚਿਆਂ ਦੀਆਂ ਲਿਖਤਾਂ ਨਾਲ ਸਬੰਧਤ ਪੰਜਾਬ ਭਵਨ ਵਲੋਂ 100 ਕਿਤਾਬਾਂ ਛਾਪਣ ਦਾ ਫ਼ੈਸਲਾ ਲਿਆ ਗਿਆ ਤੇ ਸਕੂਲਾਂ ‘ਚ ਇਹ ਮੁਹਿੰਮ ਸ਼ੁਰੂ ਵੀ ਹੋ ਚੁੱਕੀ ਹੈ।

          ਉਨ੍ਹਾਂ ਦੱਸਿਆ ਕਿ ਕੈਨੇਡਾ ‘ਚ ਹੋਈ ਵਿਸ਼ਵ ਪੰਜਾਬੀ ਕਾਨਫਰੰਸ ਦੌਰਾਨ ਇਹ ਫ਼ੈਸਲਾ ਲਿਆ ਗਿਆ ਸੀ ਤੇ ਇਸ ਦੀ ਸ਼ੁਰੂਆਤ ਕਾਨਫਰੰਸ ਮੌਕੇ ਜਾਰੀ ਕੀਤੀ ਬੱਚਿਆਂ ਦੀ ਪਹਿਲੀ ਕਿਤਾਬ ”ਨਵੀਆਂ ਕਲਮਾਂ, ਨਵੀਂ ਉਡਾਣ” ਕਾਨਫਰੰਸ ਮੌਕੇ ਰਿਲੀਜ਼ ਕਰਕੇ ਕੀਤੀ ਗਈ ਸੀ। ਉਨ੍ਹਾਂ ਦੱਸਿਆ ਇਸ ਕਿਤਾਬ ਲਈ ਬੱਚਿਆਂ ਵਲੋਂ ਦਿਖਾਏ ਉਤਸ਼ਾਹ ਤੋਂ ਬਾਅਦ ਪੰਜਾਬ ਭਵਨ ਦੀ ਟੀਮ ਵਲੋਂ ਹਰ ਜ਼ਿਲ੍ਹੇ ‘ਚੋਂ ਬੱਚਿਆਂ ਦੀਆਂ ਰਚਨਾਵਾਂ ਦੀਆਂ ਚਾਰ ਚਾਰ ਕਿਤਾਬਾਂ ਛਾਪਣ ਦਾ ਕਦਮ ਚੁੱਕਿਆ ਗਿਆ ਤੇ ਇਸ ਯੋਜਨਾ ਲਈ ਹਰ ਜ਼ਿਲ੍ਹੇ ‘ਚ ਇਕ ਪੰਜ -ਪੰਜ ਮੈਂਬਰੀ ਕਮੇਟੀ ਵੀ ਗਠਿਤ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ 23 ਜਿਲਿਆਂ ‘ਚੋਂ 92 ਕਿਤਾਬਾਂ ਪੰਜਾਬ ਦੇ ਬੱਚਿਆਂ ਦੀਆਂ ਛਾਪੀਆਂ ਜਾਣਗੀਆਂ ਅਤੇ 8 ਕਿਤਾਬਾਂ ਕੈਨੇਡਾ ਸਮੇਤ ਹੋਰ ਦੇਸ਼ਾਂ ‘ਚ ਵਸੇ ਪੰਜਾਬੀ ਬੱਚਿਆਂ ਦੀਆਂ ਛਾਪੀਆਂ ਜਾਣਗੀਆਂ। ਉਨ੍ਹਾਂ ਦੱਸਿਆ ਕਿ ਬੱਚਿਆਂ ਦੀਆਂ ਕੁੱਲ 9,000 ਹਜ਼ਾਰ ਰਚਨਾਵਾਂ ਛਾਪਣ ਦਾ ਟੀਚਾ ਮਿੱਥਿਆ ਗਿਆ ਤਾਂ ਕਿ ਬੱਚੇ ਮਾਂ ਬੋਲੀ ਤੇ ਪੰਜਾਬੀ ਸਾਹਿਤ ਨਾਲ ਜੁੜ ਸਕਣ। ਉਨ੍ਹਾਂ ਇਹ ਵੀ ਦੱਸਿਆ ਛਪਣ ਵਾਲੀਆਂ ਕਿਤਾਬਾਂ ਦੀ ਗਿਣਤੀ 30 ਹਜ਼ਾਰ ਹੋਵੇਗੀ।

          ਸੁੱਖੀ ਬਾਠ ਨੇ ਦੱਸਿਆ ਕਿ ਰਚਨਾਵਾਂ ਲਿਖਣ ਵਾਲੇ ਹਰ ਬੱਚੇ ਦਾ ਪੰਜਾਬ ਭਵਨ ਵਲੋਂ ਸਨਮਾਨ ਵੀ ਹੋਵੇਗਾ ਅਤੇ ਆਉਂਦੇ ਸਮੇਂ ‘ਚ ਬਾਲ ਸਾਹਿਤਕਾਰਾਂ ਦੀ ਇਕ ਵਿਸ਼ਵ ਪੱਧਰੀ ਕਾਨਫਰੰਸ ਵੀ ਪੰਜਾਬ ਵਿਚ ਕਰਵਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਵੱਡੇ ਉਪਰਾਲੇ ਲਈ ਸਮੁੱਚੇ ਆਰਥਿਕ ਪ੍ਰਬੰਧ ਪੰਜਾਬ ਭਵਨ ਕੈਨੇਡਾ ਕਰੇਗਾ ਅਤੇ ਇਸ ਕਾਰਜ ਲਈ ਸਾਹਿਤਕ ਸੰਸਥਾਵਾਂ ਤੇ ਸਾਹਿਤਕ ਰੁਚੀਆਂ ਰੱਖਣ ਵਾਲੀਆਂ ਸ਼ਖ਼ਸੀਅਤਾਂ ਦਾ ਵਡਮੁੱਲਾ ਸਹਿਯੋਗ ਜਰੂਰ ਲਿਆ ਜਾਵੇਗਾ।

———————–—————————————————–

ਤਰਨਦੀਪ ਬਿਲਾਸਪੁਰ ਨਿਊਜ਼ੀਲੈਂਡ ਵਿੱਚ ਸੋਨੇ ਦੇ ਖੰਡੇ ਨਾਲ ਸਨਮਾਨਤ

ਨਿਊਜੀਲੈਂਡ / ਦਸੰਬਰ 2023/ ਰਾਜਵਿੰਦਰ ਰੌਂਤਾ

            ਪਿਛਲ਼ੇ ਸਮੇਂ ਤੋਂ ਨਿਊਜ਼ੀਲੈਂਡ ਵਿਖੇ ਰਹਿ ਰਹੇ ਪਤਰਕਾਰ ਤੇ ਸਮਾਜ ਸੇਵੀ ਸਖਸ਼ੀਅਤ ਤਰਨਦੀਪ ਬਿਲਾਸਪੁਰ ਨੂੰ ਨਿਊਜੀਲੈਂਡ ਦੇ ਸਿੱਖਾਂ ਦੀ ਸਭ ਤੋਂ ਵੱਡੀ ਸੰਸਥਾ ਸੁਪਰੀਮ ਸਿੱਖ ਸੁਸਾਇਟੀ ਆਫ ਨਿਊਜੀਲੈਂਡ ਅਤੇ ਕਬੱਡੀ ਫੈਡਰੇਸ਼ਨ ਆਫ ਨਿਊਜੀਲੈਂਡ ਨੇ ਨਿਊਜ਼ੀਲੈਂਡ ਵਰਲਡ ਕਬੱਡੀ ਕੱਪ ,’ਤੇ ਵੱਖ ਵੱਖ ਖੇਤਰਾਂ (ਪੱਤਰਕਾਰਤਾ , ਕਬੱਡੀ , ਸਮਾਜ ਸੇਵਾ ਅਤੇ ਧਰਮ ) ਵਿੱਚ ਕੌਮਾਂਤਰੀ ਪੱਧਰ ਤੇ ਨਾਮਣਾ ਖੱਟਣ ਬਦਲੇ ਸੋਨੇ ਦੇ ਖੰਡੇ ਨਾਲ ਸਨਮਾਨਤ ਕੀਤਾ ਹੈ।ਬਿਲਾਸਪੁਰ ਵਾਸੀਆਂ ਲਈ ਮਾਣ ਤੇ ਖੁਸ਼ੀ ਵਾਲੀ ਖ਼ਬਰ ਹੈ। ਨਿਊਜੀਲੈਂਡ ਦੀ ਸਿੱਖਾਂ ਦੀ ਸਭ ਤੋਂ ਵੱਡੀ ਸੰਸਥਾ ਸੁਪਰੀਮ ਸਿੱਖ ਸੁਸਾਇਟੀ ਆਫ ਨਿਊਜੀਲੈਂਡ ਅਤੇ ਕਬੱਡੀ ਫੈਡਰੇਸ਼ਨ ਆਫ ਨਿਊਜੀਲੈਂਡ ਨੇ ਨਿਊਜੀਲੈਂਡ ਵਰਲਡ ਕਬੱਡੀ ਕੱਪ ਤੇ ਵੱਖ ਵੱਖ ਖੇਤਰਾਂ (ਪੱਤਰਕਾਰਤਾ , ਕਬੱਡੀ , ਸਮਾਜ ਸੇਵਾ ਅਤੇ ਧਰਮ ) ਵਿੱਚ ਦੁਨੀਆਂ ਪੱਧਰ ਤੇ ਨਾਮਣਾ ਖੱਟਣ ਵਾਲੀਆਂ ਤਰਨਦੀਪ ਬਿਲਾਸਪੁਰ ਸਮੇਤ 11 ਸਖਸ਼ੀਅਤਾਂ ਨੂੰ ਸੋਨੇ ਦੇ ਖੰਡੇ ਨਾਲ ਨਿਵਾਜਿਆ ਹੈ। ਦੇਸ਼ ਵਿਦੇਸ਼ ਵਿੱਚ ਵੱਸਦੇ ਪੰਜਾਬੀਆਂ ਵੱਲੋਂ ਖੁਸ਼ੀ ਤੇ ਮਾਣ ਦਾ ਇਜ਼ਹਾਰ ਕੀਤਾ ਜਾ ਰਿਹਾ ਹੈ।

          ਤਰਨਦੀਪ ਬਿਲਾਸਪੁਰ ਨੇ ਇਸ ਵੱਡੇ ਮਾਣ ਲਈ ਸੁਪਰੀਮ ਸਿੱਖ ਸੁਸਾਇਟੀ ਆਫ ਨਿਊਜੀਲੈਂਡ ਅਤੇ ਕਬੱਡੀ ਫੈਡਰੇਸ਼ਨ ਆਫ ਨਿਊਜੀਲੈਂਡ ਦਾ ਧੰਨਵਾਦ ਕਰਦਿਆਂ ਕਿਹਾ ਹੈ ਕਿ ਇਸ ਸਨਮਾਨ ਨਾਲ ਮੈਨੂੰ ਹੋਰ ਤਨਦੇਹੀ ਨਾਲ ਆਪਣੇ ਫਰਜ਼ ਨਿਭਾਉਣ ਦਾ ਬਲ ਮਿਲੇਗਾ। ਡਾਕਟਰ ਨਿਰਮਲ ਜੌੜਾ,ਕੈਪਟਨ ਮੇਜਰ ਸਿੰਘ, ਹਰਵੀਰ ਸਿੰਘ ਹੈਰੀ,ਸੁਤੰਤਰ ਰਾਏ ,ਮਨਦੀਪ ਸਿੰਘ,ਬੂਟਾ ਸਿੰਘ, ਦਿਲਬਾਗ ਸਿੰਘ, ਬਲਜੀਤ ਸਿੰਘ,ਹਰਵੇਲ ਸਿੰਘ ਧਾਲੀਵਾਲ ਐਕਸੀਅਨ ਆਦਿ ਸਮੇਤ ਪਿੰਡ ਤੇ ਇਲਾਕੇ ਦੀਆਂ ਸਖਸ਼ੀਅਤਾਂ ਅਤੇ ਦੀ ਬਿਲਾਸਪੁਰ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਬਿਲਾਸਪੁਰ ਨੇ ਤਰਨਦੀਪ ਬਿਲਾਸਪੁਰ ਨੂੰ ਮੁਬਾਰਕ ਬਾਦ ਦਿੱਤੀ ਹੈ।

———————–—————————————————–

ਸਹਾਇਤਾ ਨਾਈਟ ਫਰਿਜਨੋ ਸੰਪੰਨ

ਫਰਿਜ਼ਨੋ / ਦਸੰਬਰ 2023/ ਰਾਜਵਿੰਦਰ ਰੌਂਤਾ

            ਨੀਟਾ ਮਾਛੀ ਕੇ ਦੀ ਜਾਣਕਾਰੀ ਅਨੁਸਾਰ ਪੰਜਾਬੀ ਕਲਚਰਲ ਐਸੋਸੀਏਸ਼ਨ (ਪੀਸੀਏ) ਦੇ ਉਪਰਾਲੇ ਸਦਕਾ ਇੱਕ ਫੰਡ ਰੇਜਰ ਦੀਨ ਦੁੱਖੀ ਦੀ ਮੱਦਦ ਕਰਦੀ ਆ ਰਹੀ ਸਹਾਇਤਾ ਸੰਸਥਾ ਲਈ ਫਰਿਜਨੋ ਦੇ ਮਸ਼ਹੂਰ ਇੰਡੀਆ ਕਬਾਬ ਪੈਲਿਸ ਰੈਸਟੋਰਿੰਟ ਵਿੱਚ ਰੱਖਿਆ ਗਿਆ। ਜਿੱਥੇ ਦਾਂਨਸ਼ਵੰਦ ਸੱਜਣਾ ਨੇ ਪਹੁੰਚਕੇ ਦਸਵਾਂ ਦਸਵੰਧ ਕੱਢਿਆ। ਇਸ ਮੌਕੇ ਡਾ. ਹਰਕੇਸ਼ ਸੰਧੂ ਨੇ ਸੰਸਥਾ ਦੇ ਕੰਮਾਂ ਕਾਰਾਂ ਤੋਂ ਆਏ ਮਹਿਮਾਨਾਂ ਨੂੰ ਜਾਣੂ ਕਰਵਾਇਆ। ਇਸ ਮੌਕੇ ਸੰਸਥਾ ਦੇ ਮੈਂਬਰ ਅੰਮ੍ਰਿਤ ਧਾਲੀਵਾਲ ਨੇ ਲੋਕਲ ਕਾਰਜ ਸਬੰਧੀ ਜਾਣਕਾਰੀ ਦਿੱਤੀ। ਕਾਰੋਬਾਰੀ ਸੁਖਬੀਰ ਭੰਡਾਲ ਇੱਕ ਖੂਬਸੂਰਤ ਕਵਿਤਾ ਨਾਲ ਹਾਜ਼ਰੀ ਲਵਾਈ। ਗਾਇੱਕ ਪੱਪੀ ਭਦੌੜ ਤੇ ਗੋਗੀ ਸੰਧੂ ਨੇ ਆਪਣੀ ਮਿਆਰੀ ਗਾਇਕੀ ਨਾਲ ਚੰਗਾ ਸਮਾਂ ਬੰਨਿਆ। ਇਸ ਤੋਂ ਬਿਨਾ ਛੋਟੀਆ ਬੱਚੀਆਂ ਦੇ ਭੰਗੜੇ ਨੇ ਸਭਨੂੰ ਤਾੜੀਆਂ ਮਾਰਨ ਲਈ ਮਜਬੂਰ ਕਰ ਦਿੱਤਾ। ਇਸ ਮੌਕੇ ਪ੍ਰਬੰਧਕਾਂ ਵੱਲੋ ਛੋਟੀਆਂ ਬੱਚੀਆਂ ਦਾ ਅਤੇ ਉਹਨਾਂ ਦੇ ਮਾਪਿਆ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।

            ਇਸ ਮੌਕੇ ਪੀਸੀਏ ਵੱਲੋਂ ਗਾਇਕ ਪੱਪੀ ਭਦੌੜ, ਗਾਇਕ ਗੋਗੀ ਸੰਧੂ ਤੇ ਪਤਰਕਾਰ ਨੀਟਾ ਮਾਛੀਕੇ ਨੂੰ ਵੀ ਸਨਮਾਨ ਚਿੰਨ ਦੇ ਕੇ ਨਿਵਾਜਿਆ ਗਿਆ। ਸੰਸਥਾ ਦੇ ਮੈਂਬਰ ਦਲਜੀਤ ਸਿੰਘ ਖਹਿਰਾ ਅਤੇ ਹੋਰ ਬੱਚੀ ਸਹਾਇਤਾ ਦੇ ਡੋਨੇਸ਼ਨ ਬੂਥ ਤੇ ਹਾਜ਼ਰੀ ਭਰਦੇ ਰਹੇ। ਪੀਸੀਏ ਦੇ ਰੂਹੇਂ-ਰਵਾਂ ਮਿੱਕੀ ਸਰਾਂ ਨੇ ਸਭਨਾਂ ਦਾ ਧੰਨਵਾਦ ਕੀਤਾ। ਅਖੀਰ ਇੰਡੀਆ ਕਬਾਬ ਦੇ ਸੁਆਦਦਿਸ਼ਟ ਖਾਣੇ ਨਾਲ ਇਹ ਪ੍ਰੋਗ੍ਰਾਮ ਯਾਦਗਾਰੀ ਹੋ ਨਿੱਬੜਿਆ।

———————–—————————————————–

10 ਦਿਨ ਪਹਿਲਾਂ ਕੈਨੇਡਾ ਭੇਜੇ ਇਕਲੌਤੇ ਪੁੱਤ ਦੀ ਅਚਾਨਕ ਮੌਤ

ਪਰਿਵਾਰ ਨੇ 46 ਲੱਖ ਰੁਪਏ ਦਾ ਕਰਜ਼ਾ ਚੁੱਕ ਕੇ ਭੈਣ ਭਰਾ ਨੂੰ ਭੇਜਿਆ ਸੀ ਕੈਨੇਡਾ

ਕੈਨੇਡਾ/ ਜੁਲਾਈ  2023/ ਮਵਦੀਲਾ ਬਿਓਰੋ/ ਵੈੱਬ ਡੈਸਕ

              ਕੈਨੇਡਾ ਤੋਂ ਬਹੁੱਤ ਹੀ ਦੁੱਖਦਾਈ ਸਮਾਚਾਰ ਪ੍ਰਾਪਤ ਹੋਇਆ ਹੈ ਕਿ ਪੰਜਾਬ ਦੇ ਕਸਬਾ ਭਦੌੜ ਦੇ ਨਾਲ ਲੱਗਦੇ ਪਿੰਡ ਸੰਧੂ ਕਲਾਂ ਤੋਂ ਪੜ੍ਹਾਈ ਕਰਨ ਲਈ 10 ਦਿਨ ਪਹਿਲਾਂ ਕੈਨੇਡਾ ਗਏ ਲਛਮਣ ਸਿੰਘ ਦੇ 17 ਸਾਲ ਦੇ ਇਕਲੌਤੇ ਪੁੱਤਰ ਜਗਜੀਤ ਸਿੰਘ ਦੀ ਕੈਨੇਡਾ ਵਿੱਚ ਦਿਲ ਦਾ ਦੌਰਾ ਪੈਣ ਕਾਰਣ ਅਚਾਨਕ ਮੌਤ ਹੋ ਗਈ ਹੈ। ਮ੍ਰਿਤਕ ਜਗਜੀਤ ਸਿੰਘ ਦੇ ਚਾਚਾ ਜਗਸੀਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਜਗਜੀਤ ਸਿੰਘ ਕੈਨੇਡਾ ਵਿੱਚ ਪੜ੍ਹਾਈ ਕਰਨ ਲਈ ਸਿਰਫ 10 ਦਿਨ ਪਹਿਲਾਂ ਹੀ ਪਿੰਡ ਸੰਧੂਕਲਾ ਤੋਂ ਖੁਸ਼ੀ-ਖੁਸ਼ੀ ਘਰੋਂ ਕੈਨੇਡਾ ਗਿਆ ਸੀ ਪਰ ਕੀ ਪਤਾ ਸੀ ਕਿ ਕੈਨੇਡਾ ਵਿੱਚ ਉਸ ਦੀ ਮੌਤ ਉਸਨੂੰ ਉਡੀਕ ਰਹੀ ਹੈ। ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਇਸ ਨੌ-ਜਵਾਨ ਦੀ ਭੈਣ ਵੀ ਚਾਰ ਮਹੀਨੇ ਪਹਿਲਾ ਹੀ ਕੈਨੇਡਾ ਪੜ੍ਹਾਈ ਕਰਨ ਵਾਸਤੇ ਗਈ ਸੀ।

ਮੀਡੀਅਮ ਕਲਾਸ ਦੇ ਖੇਤੀਬਾੜੀ ਕਰਦੇ ਪਰਿਵਾਰ ਨੇ ਆਪਣੇ ਦੋਵੇਂ ਬੱਚਿਆਂ ਨੂੰ ਬੈਂਕ ਤੋਂ 35 ਲੱਖ ਅਤੇ ਆੜ੍ਹਤੀਏ ਤੋਂ 11 ਲੱਖ ਰੁਪਏ ਕੁੱਲ 46 ਲੱਖ ਦੇ ਕਰੀਬ ਕਰਜ਼ਾ ਚੱਕ ਕੇ ਕੈਨੇਡਾ ਪੜ੍ਹਾਈ ਲਈ ਭੇਜਿਆ ਸੀ। ਇਸ ਘਟਨਾ ਕਾਰਨ ਪਿੰਡ ਸੰਧੂ ਕਲਾ ਵਿਖੇ ਸੋਗ ਦੀ ਲਹਿਰ ਛਾ ਗਈ ਹੈ। ਜਾਣਕਾਰੀ ਮੁਤਾਬਕ ਮ੍ਰਿਤਕ ਜਗਜੀਤ ਸਿੰਘ ਦਾ ਅੰਤਿਮ ਸੰਸਕਾਰ ਕੈਨੇਡਾ ਵਿਖੇ ਹੀ ਕੀਤਾ ਜਾਵੇਗਾ।

———————–—————————————————–

ਇੰਡੋਨੇਸ਼ੀਆ ਵਿੱਚ ਕਤਲ ਦੇ ਦੋਸ਼ ਵਿੱਚ ਦੋ ਪੰਜਾਬੀ ਨੌਜਵਾਨ ਨੂੰ ਫਾਸੀ ਦੀ ਸਜਾ 

ਮਨਜਿੰਦਰ ਸਿੰਘ ਸਿਰਸਾ ਅਤੇ ਐਸ.ਪੀ. ਸਿੰਘ ਓਬਰਾਏ ਵੱਲੋਂ ਉਨ੍ਹਾਂ ਨੂੰ ਬਚਾਉਣ ਦੀਆਂ ਕੋਸ਼ਿਸ਼ਾ ਜਾਰੀ 

ਇੰਡੋਨੇਸ਼ੀਆ, ਮੋਗਾ/ ਮਈ 2023/ ਭਵਨਦੀਪ ਸਿੰਘ ਪੁਰਬਾ/ ਵੈੱਬ ਡੈਸਕ

            ਬੀਤੇ ਕੁਝ ਦਿਨਾਂ ਤੋਂ ਸ਼ੋਸਲ ਮੀਡੀਆ ਤੇ ਇੱਕ ਵੀਡੀਓ ਵਾਈਰਲ ਹੋ ਰਹੀ ਹੈ, ਉਸ ਵੀਡੀਓ ਦੇ ਨਾਲ ਇੱਕ ਛੋਟੀ ਜਿਹੀ ਆਡੀਓ ਕਲਿੱਪ ਵੀ ਹੈ ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਇੰਡੋਨੇਸ਼ੀਆ ਵਿੱਚ ਪੁਲਿਸ ਨੇ ਇੱਕ ਵਿਅਕਤੀ ਦੀ ਹੱਤਿਆ ਦੇ ਦੋਸ਼ ਵਿੱਚ ਦੋ ਪੰਜਾਬੀ ਨੋਜਵਾਨਾ ਨੂੰ ਗ੍ਰਿਫਤਾਰ ਕੀਤਾ ਹੈ। ਇੰਟਰਨੈੱਟ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਨ੍ਹਾਂ ਦੋਹਾਂ ਨੌ-ਜਵਾਨਾ ਨੂੰ ਨਗੁਰਾਹ ਰਾਏ ਅੰਤਰ-ਰਾਸ਼ਟਰੀ ਹਵਾਈ ਅੱਡੇ ਤੋਂ ਫੜਿਆ ਗਿਆ ਹੈ। ਵੀਡੀਓ ਅਨੁਸਾਰ ਇਨ੍ਹਾਂ ਦੋਹਾਂ ਨੌ-ਜਵਾਨਾ ਨੇ ਜੋ ਇੱਕ ਸਪੈਸ਼ਲ ਸੰਤਰੀ ਰੰਗ ਦੀ ਵਰਦੀ ਪਵਾਈ ਗਈ ਹੈ ਜੋ ਉਸ ਕੰਟਰੀ ਵਿੱਚ ਖਾਸ ਅਪਰਾਧੀਆਂ ਦੇ ਪਵਾਈ ਜਾਂਦੀ ਹੈ। ਇਨ੍ਹਾਂ ਦੋਹਾਂ ਨੌ-ਜਵਾਨਾਂ ਦੀ ਪਛਾਣ ਗੁਰਮੇਜ ਸਿੰਘ ਵਾਸੀ ਪਿੰਡ ਗੱਗੋਮਾਹਲ ਅਜਨਾਲਾ, ਅੰਮ੍ਰਿਤਸਰ ਅਤੇ ਅਜੈਪਾਲ ਸਿੰਘ ਵਾਸੀ ਪਿੰਡ ਮੋੜ ਵਜੋਂ ਹੋਈ ਹੈ। ਦੋਹਾ ਦੀ ਉਮਰ ਤਕਰੀਬਨ 21 ਸਾਲ ਹੈ। ਇੰਡੋਨੇਸ਼ੀਆਈ ਦੀ ਪੁਲਿਸ ਅਨੁਸਾਰ ਇਨ੍ਹਾਂ ਤੇ ਇਲਜਾਮ ਹੈ ਕਿ ਦੋਨਾਂ ਨੇ 39 ਸਾਲਾ ਦੇ ਇੰਡੋਨੇਸ਼ੀਆਈ ਨਾਗਰਿਕ ਨੂੰ ਕਤਲ ਕਰ ਦਿੱਤਾ ਹੈ। ਪੁਲਿਸ ਨੇ ਸ਼ੱਕ ਦੇ ਆਦਾਰ ਤੇ ਕਤਲ ਦੇ ਕੁੱਝ ਘੰਟਿਆਂ ਬਾਅਦ ਇਨ੍ਹਾਂ ਦੋਹਾਂ ਨੌ-ਜਵਾਨਾਂ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਫੜਿਆ ਹੈ। ਇਸ ਕਤਲ ਵਿੱਚ ਇਨ੍ਹਾਂ ਦੋਹਾਂ ਨੌ-ਜਵਾਨਾਂ ਦਾ ਹੱਥ ਹੈ ਜਾਂ ਨਹੀਂ ਇਸ ਬਾਰੇ ਅਜੇ ਸਚਾਈ ਸਾਹਮਣੇ ਨਹੀਂ ਆਈ ਹੈ।

ਇਨ੍ਹਾਂ ਦੋਹਾਂ ਨੌ-ਜਵਾਨਾਂ ਨੂੰ ਬਚਾਉਣ ਅਤੇ ਸਚਾਈ ਜਾਨਣ ਬਾਰੇ ਪਿਛਲੇ ਕੁੱਝ ਦਿਨ੍ਹਾਂ ਤੋਂ ਕਈ ਲੋਕਾਂ ਵੱਲੋਂ ਸ਼ੋਸਲ ਮੀਡੀਆ ਤੇ ਉੱਘੇ ਸਮਾਜ ਸੇਵਕ ਡਾ. ਐਸ.ਪੀ. ਸਿੰਘ ਓਬਰਾਏ ਜੀ ਨੂੰ ਬੇਨਤੀ ਕੀਤੀ ਜਾ ਰਹੀ ਹੈ। ਸਰਬੱਤ ਦਾ ਭਲਾ ਟਰੱਸਟ ਦੀ ਮੋਗਾ ਇਕਾਈ ਵੱਲੋਂ ਵੀ ਇਹ ਸਾਰੀਆਂ ਵੀਡੀਓ ਕਲਿੱਪ, ਆਡੀਓ ਕਲਿੱਪ ਅਤੇ ਸਬੰਧਤ ਸਮੱਗਰੀ ਡਾ. ਐਸ.ਪੀ. ਸਿੰਘ ਓਬਰਾਏ ਜੀ ਤੱਕ ਪਹੁੰਚਾਈ ਗਈ ਹੈ। ਉਨ੍ਹਾਂ ਵੱਲੋਂ ਇਸ ਘਟਨਾ ਦੀ ਸਚਾਈ ਜਾਨਣ ਅਤੇ ਇਨ੍ਹਾਂ ਦੋਹਾਂ ਨੌ-ਜਵਾਨਾਂ ਨੂੰ ਬਚਾਉਣ ਲਈ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।

ਦਿੱਲੀ ਤੋਂ ਮਨਜਿੰਦਰ ਸਿੰਘ ਸਿਰਸਾ ਨੇ ਇਸ ਘਟਨਾ ਪਿੱਛੇ ਫਰਾਡੀ ਏਜੰਟ ਦਾ ਹੱਥ ਦੱਸਿਆ ਹੈ ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਨਾਲ ਇੱਕ ਏਜੰਟ ਨੇ ਧੋਖਾਧੜੀ ਕੀਤੀ ਹੈ ਜੋ ਕਿ ਇੱਕ ਅਪਰਾਧੀ ਹੈ ਅਤੇ ਜਿਸ ਦੇ ਪਰਿਵਾਰ ਦੇ ਖਿਲਾਫ ਪਹਿਲਾਂ ਹੀ ਅਜਿਹੇ ਧੋਖਾਧੜੀ ਦੇ ਕੇਸ ਦਰਜ ਹਨ। ਸਿਰਸਾ ਨੇ ਕਿਹਾ ਕਿ ਫੜੇ ਗਏ ਦੋਵੇਂ ਪੰਜਾਬੀ ਨੌਜਵਾਨਾਂ ਨੂੰ 5 ਦਿਨਾਂ ਤੋਂ ਅਗਵਾ ਕੀਤਾ ਹੋਇਆ ਸੀ। ਉਨ੍ਹਾਂ ਨੂੰ ਜਕਾਰਤਾ ਵਿੱਚ ਬੁਰੀ ਤਰ੍ਹਾਂ ਕੁੱਟਿਆ ਗਿਆ ਸੀ। ਜਦੋਂ ਉਹ ਦੋਵੇਂ ਮੁਲਜ਼ਮਾਂ ਦੇ ਚੁੰਗਲ ਵਿੱਚੋਂ ਫਰਾਰ ਹੋ ਗਏ ਤਾਂ ਇੰਡੋਨੇਸ਼ੀਆਈ ਪੁਲੀਸ ਨੇ ਉਨ੍ਹਾਂ ਨੂੰ ਕਤਲ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕਰ ਲਿਆ। ਉਹ ਅਜਿਹੀ ਕਿਸੇ ਘਟਨਾ ਵਿੱਚ ਸ਼ਾਮਲ ਨਹੀਂ ਸਨ ਕਿਉਂਕਿ ਉਹ ਆਪਣੀ ਜਾਨ ਬਚਾਉਣ ਲਈ ਭੱਜ ਰਹੇ ਸਨ। ਸਿਰਸਾ ਨੇ ਵੀ ਗ੍ਰਹਿ ਮੰਤਰਾਲੇ ਨੂੰ ਇਸ ਮਾਮਲੇ ਵਿੱਚ ਦਖਲ ਦੇਣ ਅਤੇ ਜਾਂਚ ਕਰਕੇ ਦੋਵਾਂ ਨੌਜਵਾਨਾਂ ਨੂੰ ਰਿਹਾਅ ਕਰਵਾਉਣ ਦੀ ਅਪੀਲ ਕੀਤੀ ਹੈ।

———————–—————————————————–

1947 ਦੀ ਵੰਡ ਤੋਂ 75 ਸਾਲਾਂ ਬਾਅਦ ਕਰਤਾਰਪੁਰ ਸਾਹਿਬ ਮਿਲੇ ਭੈਣ ਭਰਾ

ਇਸਲਾਮਾਬਾਦ/ ਵੈੱਬ ਡੈਸਕ

ਮਾਲਟਨ ਗੁਰੂਘਰ ਵਿਖੇ ਹੋਇਆ ਵਿਸ਼ਾਲ ਨਗਰ ਕੀਰਤਨ

ਮਿਸ਼ੀਸਾਗਾ/ ਭਵਨਦੀਪ ਸਿੰਘ ਪੁਰਬਾ

ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਹਿਲੇ ਪ੍ਰਕਾਸ਼ ਪੁਰਬ ਦੇ ਸਬੰਧ ਵਿੱਚ ਵਿਸ਼ਾਲ ਨਗਰ ਕੀਰਤਨ ਮਾਲਟਨ ਗੁਰੂਘਰ ਤੋਂ ਆਰੰਭ ਹੋ ਕੇ ਡਿਕਸੀ ਤੋਂ ਵਾਪਸ ਹੁੰਦਾ ਹੋਇਆ ਮੁੜ ਮਾਲਟਨ ਗੁਰੂਘਰ ਵਿਖੇ ਪਰਤਿਆ। ਇਸ ਨਗਰ ਕੀਰਤਨ ਵਿੱਚ ਲੱਖਾ ਦੀ ਗਿਣਤੀ ਵਿੱਚ ਸਿੱਖ ਸੰਗਤਾ ਨੇ ਗੁਰੂਘਰ ਦੀ ਹਾਜਰੀ ਭਰੀ। ਗੁਰੂਘਰ ਵਿਖੇ ਸੇਵਾਦਾਰਾ ਵੱਲੋਂ ਸੰਗਤਾ ਲਈ ਚਾਹ ਪਕੋੜੇ, ਜਲੇਬੀਆ, ਲੱਡੂ, ਪੂਰੀਆਂ, ਪੀਜੇ, ਆਈਸਕ੍ਰੀਮ ਆਦਿ ਦੇ ਵਿਸ਼ਾਲ ਲੰਗਰ ਲਗਾਏ ਗਏ ਸਨ। ਇਸ ਤੋਂ ਇਲਾਵਾ ਬੱਚਿਆ ਨੂੰ ਧਰਮ ਨਾਲ ਜੋੜਨ ਲਈ ਧਾਰਮਿਕ ਲਿਟਰੇਚਰ, ਧਾਰਮਿਕ ਸੀ.ਡੀਜ, ਵਿਰਸੇ ਨਾਲ ਸਬੰਧਤ ਟੀ-ਸਰਟਾ, ਪਗੜੀਆ ਆਦਿ ਦੀਆਂ ਸਟਾਲਾ ਲਗਾਈਆ ਗਈਆਂ, ਜਿਥੇ ਵਾਜਵ ਰੇਟਾ ਤੇ ਸਾਰਾ ਸਮਾਨ ਮੁਹੱਈਆਂ ਕੀਤਾ ਗਿਆ ਸੀ। ਸਿਟੀ ਪੁਲਿਸ ਵੱਲੋਂ ਲੋਕਾਂ ਦੀ ਸਹੂਲਤ ਲਈ ਵਿਸ਼ੇਸ ਤੌਰ ਤੇ ਡਿਉਟੀਆਂ ਲਗਾਈਆ ਗਈਆ। ਪੁਲਿਸ ਨੇ ਟੇਫਿਕ ਨੂੰ ਕੰਟਰੋਲ ਕਰਦੇ ਹੋਏ ਤਨਦੇਹੀ ਨਾਲ ਆਪਣੀ ਸੇਵਾ ਨਿਭਾਈ।

ਨਗਰ ਕੀਰਤਨ ਦੀ ਸਮਾਪਤੀ ਤੇ ਮਾਲਟਨ ਗੁਰੂਘਰ ਵਿਖੇ ਧਾਰਮਿਕ ਦੀਵਾਨ ਸਜਿਆ। ਨਗਰ ਕੀਰਤਨ ਦੀ ਰਵਾਨਗੀ ਮਗਰੋ ਵੀ ਸਾਰਾ ਦਿਨ ਕੀਰਤਨ ਦੇ ਪ੍ਰਵਾਹ ਚਲਦੇ ਰਹੇ। ਇਸ ਸਾਰੇ ਧਾਰਮਿਕ ਸਮਾਗਮ ਦੌਰਾਨ ਲੱਖਾ ਸੰਗਤਾ ਨੇ ਇਨ੍ਹਾ ਸਮਾਗਮਾ ਵਿੱਚ ਹਾਜਰ ਹੋ ਕੇ ਗੁਰੂਘਰ ਦੀਆਂ ਖੁਸ਼ੀਆ ਪ੍ਰਾਪਤ ਕੀਤੀਆਂ।

————————————-

‘ਮਹਿਕ ਵਤਨ ਦੀ ਲਾਈਵ’ ਦਾ ਕੈਨੇਡਾ ਐਡੀਸ਼ਨ ਮਿਸੀਸਾਗਾ ਵਿਖੇ ਰੀਲੀਜ

ਬਰੈਂਪਟਨ/ 19 ਅਗਸਤ 2016 / (ਨਿਊਜ਼ ਸਰਵਿਸ) :

ਭਵਨਦੀਪ ਸਿੰਘ ਪੁਰਬਾ ਦੀ ਸੰਪਾਦਨਾ ਹੇਠ ਚੱਲ ਰਹੇ ਅੰਤਰ-ਰਾਸਟਰੀ ਪੰਜਾਬੀ ਮੈਗਜੀਨ ‘ਮਹਿਕ ਵਤਨ ਦੀ ਲਾਈਵ’ ਦਾ ਕੈਨੇਡਾ ਐਡੀਸ਼ਨ ਏਅਰਪੋਰਟ ਬੁਖਾਰਾ ਰੇਸਟੋਰੈਟ ਮਿਸੀਸਾਗਾ ਵਿਖੇ ਇਲਾਕੇ ਦੀਆਂ ਮਾਣਯੋਗ ਸ਼ਖਸੀਅਤਾ ਦੀ ਹਾਜਰੀ ਵਿੱਚ ਰਿਲੀਜ ਕੀਤਾ ਗਿਆ।

‘ਮਹਿਕ ਵਤਨ ਦੀ ਲਾਈਵ’ ਮੈਗਜੀਨ ਦੇ ਰਿਲੀਜ ਸਮਾਰੋਹ ਤੇ ਮੈਂਬਰ ਪਾਰਲੀਮੈਂਟ ਰਮੇਸ਼ਵਰ ਸੰਘਾ, ਸਿਟੀ ਕੌਸਲਰ ਗੁਰਪ੍ਰੀਤ ਸਿੰਘ ਢਿਲੋਂ, ਪ੍ਰਿਸੀਪਲ ਸਰਵਣ ਸਿੰਘ, ਸ. ਵਰਿਆਮ ਸਿੰਘ ਸੰਧੂ, ‘ਪ੍ਰਵਾਸੀ ਮੀਡੀਆ ਗਰੁੱਪ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਅਤੇ ਜਰਨਲਿਸਟ ਸਤਪਾਲ ਜੌਹਲ ਹਾਜਰ ਹੋਏ। ‘ਮਹਿਕ ਵਤਨ ਦੀ ਲਾਈਵ’ ਮੈਗਜੀਨ ਦੇ ਕੈਨੇਡਾ ਐਡੀਸ਼ਨ ਦੀ ਸ਼ੁਰੂਆਤ ਕਰਨ ਲਈ ਇਸ ਪੇਪਰ ਦੇ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਮੁੱਖ ਤੋਰ ਤੇ ਪੰਜਾਬ ਤੋਂ ਕੈਨੇਡਾ ਪਹੁੰਚ।  ਮਹਿਕ ਵਤਨ ਦੀ ਮੀਡੀਆ ਗਰੁੱਪ ਦੇ ਪ੍ਰਧਾਨ ਸ. ਭਜਨ ਸਿੰਘ ਬਾਂਹਬਾ ਅਤੇ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਦੁਆਰਾ ਉਲੀਕਿਆਂ ਗਿਆ ਇਹ ਸਮਾਰੋਹ ‘ਪ੍ਰਵਾਸੀ ਮੀਡੀਆਂ ਗਰੁੱਪ’ ਦੇ ਪ੍ਰਧਾਨ ਰਾਜਿੰਦਰ ਸੈਣੀ ਦੀ ਸ੍ਰਪਰਸਤੀ ਹੇਠ ਕੀਤਾ ਗਿਆ।

ਇਸ ਮੌਕੇ ਬੋਲਦਿਆਂ ਪ੍ਰਿਸੀਪਲ ਸਰਵਣ ਸਿੰਘ ਨੇ ਅਖਬਾਰਾਂ ਅਤੇ ਮੈਗਜੀਨ ਦੀ ਪ੍ਰਕਾਸਨਾ ਵਿੱਚ ਆ ਰਹੀਆ ਮੁਸਕਿਲਾ ਦਾ ਵਰਨਣ ਕੀਤਾ ਅਤੇ ਉਨ੍ਹਾ ਇਸ ਪੇਪਰ ਦੇ ਪੰਜਾਬ ਵਿੱਚ ਸੋਲਾ ਸਾਲ ਪੂਰੇ ਹੋਣ ਤੇ ਇਸ ਦੀ ਸਲਾਘਾ ਕਰਦਿਆਂ ਉਨ੍ਹਾ ਨੇ ਇਸ ਪੇਪਰ ਦੇ ਸੰਚਾਲਕਾ ਨੂੰ ਵਧਾਈ ਦਿੱਤੀ ਅਤੇ ਇਸ ਪੇਪਰ ਦੇ ਸੰਚਾਲਕਾ ਨੂੰ ਹਰ ਪ੍ਰਕਾਰ ਦਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ। ਪ੍ਰਸਿਧ ਲੇਖਕ ਸ. ਵਰਿਆਮ ਸਿੰਘ ਸੰਧੂ ਨੇ ਵੀ ਪੇਪਰ ਦੀ ਪ੍ਰਕਾਸ਼ਨਾ ਵਿੱਚ ਆ ਰਹੀਆਂ ਮੁਸਕਲਾ ਦਾ ਆਪਣੇ ਲਹਿਜੇ ਵਿੱਚ ਬਿਆਨ ਕੀਤਾ ਅਤੇ ਇਸ ਪੇਪਰ ਦੇ ਸੰਚਾਲਕਾ ਨੂੰ ਇਸ ਸਲਾਘਾਯੋਗ ਕਦਮ ਦੀ ਵਧਾਈ ਦਿੱਤੀ।

ਇਸ ਮੰੋਕੇ ਬੋਲਦਿਆਂ ਸਿਟੀ ਕੌਸਲਰ ਗੁਰਪ੍ਰੀਤ ਸਿੰਘ ਢਿਲੋਂ ਨੇ ਕਿਹਾ ਕਿ ਸਮਾਜ ਵਿੱਚ ਮੀਡੀਆ ਦਾ ਬਹੁੱਤ ਵੱਡਾ ਰੋਲ ਹੈ ਮੀਡੀਆ ਸਾਡੀ ਆਵਾਜ ਲੋਕਾ ਤੱਕ ਪਹੁੰਚਾਉਦਾ ਹੈ ਅਤੇ ਲੋਕਾ ਦੀਆਂ ਸਮੱਸਿਆਵਾ ਮੀਡੀਆ ਰਾਹੀਂ ਹੀ ਸਾਡੇ ਕੋਲ ਪਹੁੰਚਦੀਆਂ ਹਨ। ਉਨ੍ਹਾ ਨੇ ਵੀ ਪੇਪਰ ਨੂੰ ਪੂਰਨ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਅਤੇ ਕੈਨੇਡਾ ਐਡੀਸ਼ਨ ਦੇ ਸੰਪਾਦਕ ਸ. ਭਜਨ ਸਿੰਘ ਬਾਂਹਬਾਂ ਤੇ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਨੂੰ ਸਿਟੀ ਕੋਸਲ ਬਰੈਂਪਟਨ ਵੱਲੋਂ ਮਾਣ ਪੱਤਰ ਭੇਟ ਕੀਤਾ। ਅਜੀਤ ਪੇਪਰ ਦੇ ਜਰਨਲਿਸਟ ਸਤਪਾਲ ਜੌਹਲ ਨੇ ਕਈ ਨਾਮਵਰ ਅਖਬਾਰਾ ਦੀ ਮਿਸਾਲ ਦੇ ਕੇ ‘ਮਹਿਕ ਵਤਨ ਦੀ ਲਾਈਵ’ ਮੈਗਜੀਨ ਦੇ ਕੈਨੇਡਾ ਐਡੀਸ਼ਨ ਦੇ ਸ਼ੁਰੂਆਤ ਦੀ ਸਲਾਘਾ ਕੀਤੀ ਤੇ ਭਵਿੱਖ ਵਿੱਚ ਇਸ ਪੇਪਰ ਦੀ ਪੂਰਨ ਕਾਮਯਾਬੀ ਚੱਲਣ ਦੀ ਹੋਸਲਾ ਅਫਜਾਈ ਕੀਤੀ। ਮੈਂਬਰ ਪਾਰਲੀਮੈਂਟ ਰਮੇਸ਼ਵਰ ਸੰਘਾ ਨੇ ‘ਮਹਿਕ ਵਤਨ ਦੀ ਲਾਈਵ’ ਦੇ ਕੈਨੇਡਾ ਐਡੀਸ਼ਨ ਦੀ ਸੂਰੁਆਤ ਕਰਨ ਲਈ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਨੂੰ ਕੈਨੇਡਾ ਪਹੁੰਚਣ ਲਈ ਜੀ ਆਇਆਂ ਆਖਿਆ ਅਤੇ ‘ਮਹਿਕ ਵਤਨ ਦੀ ਮੀਡੀਆ ਗਰੁੱਪ’ ਦੇ ਪ੍ਰਧਾਨ ਸ. ਭਜਨ ਸਿੰਘ ਬਾਂਹਬਾ ਨੂੰ ਪੂਰਨ ਸਹਿਯੋਗ ਦੇਣ ਦਾ ਭਰੋਸਾ ਦਿਵਾਇਆਂ।

ਅਖੀਰ ਵਿੱਚ ਮਹਿਕ ਵਤਨ ਦੀ ਮੀਡੀਆ ਗਰੁੱਪ ਦੇ ਪ੍ਰਧਾਨ ਸ. ਭਜਨ ਸਿੰਘ ਬਾਂਹਬਾ ਨੇ ਆਏ ਹੋਏ ਮਹਿਮਾਣਾ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਇਸ ਸਮਾਗਮ ਵਿੱਚ ਪ੍ਰਿਸੀਪਲ ਸਰਵਣ ਸਿੰਘ, ਸ. ਵਰਿਆਮ ਸਿੰਘ ਸੰਧੂ, ਰਾਜਿੰਦਰ ਸੈਣੀ (ਪ੍ਰਧਾਨ ਪ੍ਰਵਾਸੀ ਮੀਡੀਆ ਗਰੁੱਪ), ਜਰਨਲਿਸਟ ਸਤਪਾਲ ਜੌਹਲ (ਅਦਾਰਾ ਰੋਜਾਨਾ ਅਜੀਤ), ਮੈਂਬਰ ਪਾਰਲੀਮੈਂਟ ਰਮੇਸ਼ਵਰ ਸੰਘਾ, ਸਿਟੀ ਕੌਸਲਰ ਗੁਰਪ੍ਰੀਤ ਸਿੰਘ ਢਿਲੋਂ, ਸੰਦੀਪ ਬਰਾੜ (ਦੇਸੀ ਰੰਗ ਰੇਡੀਓ), ਪੂਰਨ ਸਿੰਘ ਪਾਂਧੀ, ਮਲੂਕ ਸਿੰਘ ਕਾਹਲੋਂ (ਸਿੱਖ ਸਪੋਕਸਮੈਨ), ਗੁਰਪਾਲ ਸਰੋਏ (ਦਿਲ ਆਪਣਾ ਪੰਜਾਬੀ ਰੇਡੀਓ), ਜਸਵਿੰਦਰ ਖੋਸਾ (ਮਹਿਫਲ ਮੀਡੀਆ), ਬੌਬ ਦੁਸਾਝ (ਸਾਂਝਾ ਪੰਜਾਬ ਟੀ.ਵੀ.), ਗੀਤਕਾਰ ਮੱਖਣ ਬਰਾੜ, ਗਗਨ ਖਹਿਰਾ (ਰਿਏਲਟਰ), ਰਾਜੀਵ ਦੱਤਾ (ਬਰੋਕਰ), ਤੇਜਿੰਦਰਪਾਲ ਸੂਰਾ (ਪੀ.ਐਚ.ਡੀ ਟਰੇਡਰਜ), ਗਗਨਜੀਤ ਸਿੰਘ ਬਠਿੰਡਾ, ਬਲਵਿੰਦਰ ਸਿੰਘ ਕੰਡਾ, ਕੁੰਤਲ ਪਾਠਕ, ਹਰਦੀਪ ਬਰਿਆਰ, ਹਰਵਿੰਦਰ ਨਿਝੱਰ, ਲਵਪ੍ਰੀਤ ਸਿੰਘ ਬਾਂਹਬਾ, ਹਰਮਨ ਸਿੰਘ, ਹਰਪੁਨੀਤ ਸਿੰਘ, ਜਸ਼ਨਦੀਪ ਸਿੰਘ ਆਦਿ ਮੁੱਖ ਤੋਰ ਤੇ ਹਾਜਰ ਸਨ।

————————————-

ਬਾਂਹਬਾ ਪ੍ਰੀਵਾਰ ਵੱਲੋਂ ਪੰਜਾਬੀ ਜਰਨਲਿਸਟ ਭਵਨਦੀਪ ਸਿੰਘ ਪੁਰਬਾ ਦਾ ਟੋਰਾਟੋ ਏਅਰਪੋਰਟ ਤੇ ਨਿਘਾ ਸੁਵਾਗਤ

ਟੋਰਾਟੋ / 13 ਜਲਾਈ 2016/ ਮਵਦੀਲਾ ਬਿਓਰੋ

ਪੰਜਾਬੀ ਜਰਨਲਿਸਟ ਅਤੇ ਅੰਤਰ-ਰਾਸਟਰੀ ਮੈਗਜੀਨ ‘ਮਹਿਕ ਵਤਨ ਦੀ ਲਾਈਵ’ ਮੁੱਖ ਸੰਪਾਦਕ ਭਵਨਦੀਪ ਸਿੰਘ ਪੁਰਬਾ ਬੀਤੇ ਦਿਨੀ ‘ਮਹਿਕ ਵਤਨ ਦੀ ਲਾਈਵ’ ਪੇਪਰ ਦੀ ਪ੍ਰਮੋਸ਼ਨ ਵਾਸਤੇ ਕੈਨੇਡਾ ਦੇ ਟੂਰ ਲਈ ਆਏ ਜਿਨ੍ਹਾ ਦਾ ਟੋਰਾਟੋ (ਕੇਨੈਡਾ) ਪਹੁੰਚਣ ਤੇ ਸ. ਭਜਨ ਸਿੰਘ ਬਾਂਹਬਾ ਅਤੇ ਪੂਰੇ ਪ੍ਰੀਵਾਰ ਵੱਲੋਂ ਨਿਘਾ ਸਵਾਗਤ ਕੀਤਾ ਗਿਆ।

ਜਿਕਰ ਯੋਗ ਹੈ ਕਿ ਨੋਜਵਾਨ ਲੇਖਕ ਭਵਨਦੀਪ ਸਿੰਘ ਪੁਰਬਾ ਪਿਛਲੇ ਤਕਰੀਬਨ 16 ਸਾਲਾ ਤੋਂ ‘ਮਹਿਕ ਵਤਨ ਦੀ ਲਾਈਵ’ ਪੇਪਰ ਦੇ ਜਰੀਏ ਪੰਜਾਬੀ ਵਿਰਸੇ, ਪੰਜਾਬੀ ਸਾਹਿਤ ਅਤੇ ਧਾਰਮਿਕ ਖੇਤਰ ਵਿੱਚ ਵਿਸ਼ੇਸ਼ ਸੇਵਾ ਨਿਭਾ ਰਿਹਾ ਹੈ। ਇਸ ਤੋਂ ਇਲਾਵਾ ਉਹ ਆਪਣੀਆਂ ਸਾਹਿਤਕ ਅਤੇ ਧਾਰਮਿਕ ਪੰਜ ਪੁਸਤਕਾ ਪਾਠਕਾ ਦੀ ਝੋਲੀ ਪਾ ਚੁੱਕਾ ਹੈ। ਸਾਹਿਤ ਦੇ ਖੇਤਰ ਤੋਂ ਇਲਾਵਾ ਭਵਨਦੀਪ ਸਿੰਘ ਪੁਰਬਾ ਸਮਾਜ ਸੇਵਾ ਵਿੱਚ ਵੀ ਮੋਹਰੀ ਰੋਲ ਅਦਾ ਕਰ ਰਿਹਾ ਹੈ। ਭਵਨਦੀਪ ਸਿੰਘ ਪੁਰਬਾ ਦੇ ਕੇਨੈਡਾ ਪਹੁੰਚਣ ਤੇ ਸਵਾਗਤ ਕਰਨ ਵਾਲਿਆਂ ਵਿੱਚ ਸ. ਭਜਨ ਸਿੰਘ ਬਾਂਹਬਾ, ਮੈਡਮ ਹਰਪ੍ਰੀਤ ਕੌਰ ਬਾਂਹਬਾ, ਹਰਮਨਦੀਪ ਸਿੰਘ ਬਾਂਹਬਾ, ਹਰਪੁਨੀਤ ਸਿੰਘ ਬਾਂਹਬਾ, ਲਵਪ੍ਰੀਤ ਸਿੰਘ ਬਾਂਹਬਾ, ਹੈਰੀ ਬਾਂਹਬਾ ਆਦਿ ਮੁੱਖ ਤੌਰ ਤੇ ਹਾਜਰ ਸਨ।

————————————-